مطالبات منظوری کیلئے ہر سطح پر پیش

آداب عرض ہے۔ ملازم اتحاد سندھ اور ایپکا پاکستان شہید ساقی، سندھ بھر کے گریڈ 1 تا 22 کے لاکھوں سرکاری ملازمین کی نمائندہ تنظیم ہونے کے ناطے، آپ کی خدمت میں انتہائی احترام سے عرض گزار ہے کہ سرکاری ملازمین کے التوا میں پڑے جائز حقوق کے حل کے لیے فوری اقدامات کیے جائیں۔ وفاق اور دیگر صوبوں کی طرز پر مراعات نہ دینا آئین پاکستان کے آرٹیکل 25 "مساوات کے حق" کی صریح خلاف ورزی ہے۔ ایک ہی گریڈ، ایک ہی کوالیفیکیشن، ایک ہی ڈیوٹی- مگر مراعات میں تفریق، یہ سندھ کے ملازمین کے ساتھ کھلا استحصال ہے۔ياد رہے کہ 21/5/2026 کو سندھ کی ملازمین نمائندہ تنظیموں کا اجلاس ہوا تہا-
ملازم اتحاد سندھ کے 10 نکاتی چارٹر آف ڈیمانڈ بجٹ2026-27 میں منظور کئے جائیں:
1. نجکاری بند کرو: سندھ کے تعلیمی اداروں کی نجکاری کا عمل فوری روکا جائے۔
2. گروپ انشورنس یکمشت: "مرنے کی شرط" ختم کر کے ریٹائرمنٹ پر گروپ انشورنس + بہبود فنڈ کی رقم یکمشت ادا کی جائے۔ حکومت سندھ کو سالانہ 3 سے 6 ارب کی بچت ہو رہی ہے، وہ ملازمین کو واپس دیا جائے
3. ڈسپیرٹی الاؤنس: وفاقی طرز پر 30% ڈسپیرٹی ریڈکشن الاؤنس دیا جائے تاکہ وفاقی و صوبائی ملازمین کی تنخواہوں کا فرق ختم ہو۔
4. ایڈھاک ضم + اسکیل 2026: تمام ایڈھاک تنخواہ میں ضم کرکے ملازمین کے لئے مستقل طور پر "ریوائزڈ پے اسکیل 2026" لاگو کرنے کی وفاق کو شفارس کی جائے۔
5. پینشن بحال: پینشن ختم کرنے کی بجائے کرپشن ختم کی جائے۔ پرانے پینشن رولز بحال کر کے تمام ملازمین کو پینشن کا حق دیا جائے۔
6. پینشن کنٹری بیوشن ختم: نئے ملازمین کی تنخواہ سے پینشن کنٹری بیوشن کی کٹوتی فوری ختم کی جائے۔
7. کلاس IV ٹائم اسکیل: سندھ بھر کے کلاس IV ملازمین کو سیکریٹریٹ طرز پر ٹائم اسکیل دیا جائے۔
8. گریڈ 1-17 ٹائم اسکیل: وفاق کی طرز پر 2023 سے گریڈ 1 تا 17 کے تمام ٹیکنیکل، نان ٹیکنیکل ملازمین کو ایک مرتبہ ٹائم اسکیل دیا جائے۔
9. ہاؤس رینٹ/ہائرنگ میں برابری: سیکریٹریٹ اور ہائی کورٹ طرز پر تمام ملازمین کو "ہاؤس ہائرنگ چارٹ" یا مساوی ہاؤس رینٹ الاؤنس دیا جائے۔ "ملک ایک، قانون ایک" کے تحت تفریق ختم کی جائے۔
10. الاؤنسز میں 200% اضافہ + ٹیکس استثنیٰ: یوٹیلیٹی الاؤنس سیکریٹریٹ/عدلیہ طرز پر دیا جائے۔ میڈیکل اور کنوینس الاؤنس مہنگائی کے تناسب سے بڑھایا جائے۔ سول ملازمین کو انکم ٹیکس اور پروفیشنل ٹیکس کٹوتی سے مکمل استثنیٰ دیا جائے۔ ملازمين کی تنخواہیں ٹیکس فری دی جائیں -
ڈیڈ لائن و اپیل: جناب عالی، ہم احتجاج نہیں چاہتے۔ احتجاج ہماری مجبوری ہے۔ ہم پرامید ہیں کہ آپ سندھ کے ملازمین کی قربانیوں کو مدنظر رکھتے ہوئے 7 جون 2026 تک دوبارہ کمیٹی تشکیل دے کر مسائل کے حل کا نوٹیفکیشن جاری کریں گے۔ بصورتِ دیگر 8 جون 2026 بروز اتوار کراچی میں پرامن احتجاجی دھرنا دینا ہماری مجبوری ہوگی۔ 2 جون 2026 کو ملازم اتحاد سندھ کے تمام قائدین کی اہم بیٹھک حیدرآباد میں ہورہی گے جس میں ہمارے مرکزی صدر بھی شرکت کریںگے- ہم امید کرتے ہیں کہ آپ فوری نوٹس لے کر ملازم اتحاد سندھ کی قیادت سے اہم مطالبات میں پیش رفت کیلئے مذاکرات کا آغاز کریں گے تاکہ سندھ کے ملازمین کو ان کا آئینی حق مل سکے۔ العارض
ایم اے بھرگڑی
مرکزی وائیس چیئرمین ٬ ایپکا پاکستان شہید ساقی
موبائل: 03003049882ویب: www.apcapk.com